കാഞ്ഞിരപ്പുഴ ഡാം
കേരളത്തിലെ പാലക്കാട് ജില്ലയിൽ മണ്ണാർക്കാടിനു സമീപം കാഞ്ഞിരപ്പുഴ ഗ്രാമപഞ്ചായത്തിലെ കാഞ്ഞിരപ്പുഴയിൽ ഭാരതപ്പുഴയുടെ പോഷകനദിയായ കുന്തിപ്പുഴയുടെ കൈവഴിയായ കാഞ്ഞിരപ്പുഴയ്ക്കു കുറുകെ നിർമ്മിച്ചിരിക്കുന്ന അണക്കെട്ടാണ് കാഞ്ഞിരപ്പുഴ അണക്കെട്ട് . ഈ ഡാമിനോട് ചേർന്ന് ഒരു കാഞ്ഞിരപ്പുഴ ഉദ്യാനം എന്ന പേരിൽ ഉദ്യാനവും ഉണ്ട്. ഈ ഡാമിൽ നിന്ന് കാണാവുന്ന ദൂരത്തിലാണ് വാക്കോടൻ മല സ്ഥിതി ചെയ്യുന്നത്. അണക്കെട്ടിന് 3 ഷട്ടറുകളാണുള്ളത്. കാഞ്ഞിരപ്പുഴ ജലസേചന പദ്ധതി യുടെ ഭാഗമായാണ് ഡാം നിർമിച്ചിട്ടുള്ളത്.കാഞ്ഞിരപ്പുഴ നദിക്ക് മുകളിലായി നിർമ്മിച്ചിരിക്കുന്ന ഈ ഡാം കൃഷിക്കും കുടിവെള്ള ആവശ്യങ്ങൾക്കും പ്രധാനമായും ഉപയോഗിക്കുന്നു. പച്ചപ്പും മലനിരകളും ചുറ്റിപ്പറ്റിയിരിക്കുന്നതിനാൽ ഇത് ഒരു മനോഹര വിനോദസഞ്ചാര കേന്ദ്രമായും അറിയപ്പെടുന്നു. കുടുംബസഞ്ചാരത്തിനും പ്രകൃതി ആസ്വാദനത്തിനും അനുയോജ്യമായ സ്ഥലമാണ് ഇത്.
വിനോദസഞ്ചാര ആകർഷണങ്ങൾ
- ഡാമിനോട് ചേർന്നുള്ള ഉദ്യാനവും പാർക്കും
- ശാന്തമായ ജലാശയ കാഴ്ചകൾ
- ഫോട്ടോഗ്രഫിക്കും കുടുംബസഞ്ചാരത്തിനും അനുയോജ്യമായ അന്തരീക്ഷം
- മഴക്കാലത്ത് കൂടുതൽ മനോഹരമായ ദൃശ്യങ്ങൾ
